March 31 Deadline: आर्थिक वर्ष २०२५-२६ संपण्यास आता फक्त काही दिवस उरले आहेत. या शेवटच्या दिवसांमध्ये काही महत्त्वाच्या गोष्टी पूर्ण न केल्यास तुम्हाला जास्त कर भरावा लागू शकतो, अतिरिक्त कागदपत्रांची झंजट होऊ शकते किंवा मिळणारे फायदे गमवावे लागू शकतात. March 31, 2026 ही तारीख डोळ्यांसमोर ठेवून या तीन गोष्टी आत्ताच पूर्ण करा.
१. PAN Card अर्जाचे नियम बदलणार आधीच करा अर्ज
PAN Card साठी सध्या Aadhaar हा एकटा दस्तऐवज म्हणून वापरता येतो आणि प्रक्रिया तुलनेने सोपी आहे. मात्र April 1, 2026 पासून हे नियम कडक होण्याची शक्यता आहे. त्यानंतर जन्म प्रमाणपत्र, Passport, Voter ID, Driving Licence किंवा Affidavit यांसारखी अतिरिक्त कागदपत्रे लागू शकतात.
थोडक्यात, आज जी प्रक्रिया दहा मिनिटांत होते, ती उद्यापासून वेळखाऊ आणि गुंतागुंतीची होऊ शकते. त्यामुळे PAN Card अर्ज करायचा असल्यास ही शेवटची संधी आहे.
२. Section 80C अंतर्गत Tax Saving वेळ संपण्यापूर्वी गुंतवणूक करा
Old Tax Regime निवडलेल्या करदात्यांसाठी ही शेवटची संधी आहे. Section 80C अंतर्गत करबचत करायची असेल तर Public Provident Fund (PPF), Sukanya Samriddhi Yojana (SSY) आणि National Pension System (NPS) यांमध्ये गुंतवणूक March 31 पूर्वी पूर्ण होणे आवश्यक आहे.
लक्षात ठेवा, फक्त पैसे ट्रान्सफर करणे पुरेसे नाही. ते प्रत्यक्षात खात्यात जमा (credited) होणेही गरजेचे आहे. एक दिवसाचाही उशीर झाल्यास संपूर्ण Tax Deduction चुकू शकतो.
३. नियोक्त्याकडे Investment Proofs वेळेत सादर करा
जर तुम्ही तुमच्या कंपनीला Tax Saving Investments बाबत आधीच माहिती दिली असेल, तर आता त्याचे पुरावे (Proofs) सादर करण्याची वेळ आली आहे. बहुतांश कंपन्या मार्च महिन्याच्या आधीच एक Payroll Cut-off Date ठरवतात.
वेळेत Proofs न दिल्यास कंपनी उर्वरित वेतनातून जास्त Tax Deduction at Source (TDS) करू शकते. नंतर Refund मागता येतो, परंतु त्यामुळे तुमच्या मासिक उत्पन्नावर तात्पुरता परिणाम होतो.
थोडक्यात सांगायचे तर Financial Year 2025-26 बंद होण्यापूर्वी या तीन गोष्टी पूर्ण केल्यास तुम्ही अनावश्यक ताण, जादा कर आणि गैरसोय टाळू शकता. आत्ता एक छोटी कृती पुढील वर्षभर तुमच्या आर्थिक नियोजनाला बळकटी देईल.
वाचा: Rentomojo IPO: 150 कोटींच्या IPO चा प्लान, SEBI कडे DRHP दाखल
